स्याङ्जा ७ भदौ । स्याङ्जामा नागरिकता भन्दा राहदानी लिनेको संख्या बढी देखिएको छ । गतबर्ष नागरिकता भन्दा ५ हजार ३३५ वटा बढी राहदानी लिएको पाइएको हो ।
आर्थिक वर्ष २०८०÷८१ मा प्रशासन कार्यालय स्याङ्जाबाट ९ हजार ४८७ वटा नागरिकता नागरिकता बितरण भएको हो । बंशजका आधारमा लिएका नागरिकता हुन ।
यसैगरी, १४ हजार ८२२ वटा राहदानी बितरण भएको थियो । सदरमुकाममा रहेको जिल्ला प्रशासन कार्यालय र वालिङस्थित इलाका प्रशासन कार्यालयबाट नागरिकता तथा राहदानी वितरण हुँदै आएको छ ।
जिल्लाको भौगोलिक अवस्थालाई मध्यनजर गर्दे जिल्लाको मध्यभाग पार्नेगरी वालिङ्मा इलाका प्रशासन कार्यालय स्थापना गरिएको छ । यसो गर्दा, उत्तरतर्फ जिल्ला प्रशासनमा र दक्षिणतर्फका नागरिकलाई इलाका प्रशासन मार्फत प्रशासनिक सेवा सुबिधा उपलब्ध गराउदै आइएको छ ।
यसैगरी, वैवाहिक अङ्गीकृत नागरिकता लिनेमा स्याङ्जाका २४ जना रहेको सहायक प्रमुख जिल्ला अधिकारी दिपक पौडेलले जानकारी दिनुभयो ।
२५ हजार ४०९ राष्ट्रिय परिचयपत्र बितरण भएको र पुराना नागरिकताका अभिलेखीकरण गर्ने कार्य सबै सकिएको सूचना अधिकारी समेत रहेका पौडेलले भन्नुभयो ।