स्याङ्जा २२ माघ । विरुवा गाउँपालिका ३ धोवादीस्थित भित्रि सडकमा जीप दुर्घटना हुदाँ शनिवार दुई जनाको मृत्यु भएको छ। जीप खसेको खबर पाएपछि पुगेको प्रहरीले जीपमा रहेका २ जना ब्यक्ति नै मृत्यु भएको जनाएको छ।
सोही गाउँपालिका खाली निवासी जीप चालक २६ वर्षीय बेलबहादुर थापा र ३२ वर्षीय भेषबहादुर थापाको मृत्यु भएको प्रहरी नायब उपरीक्षक राजेन्द्रप्रसाद अधिकारीले जानकारी दिनुभयो ।
उहाका अनुसार विरूवाबाट खालीतर्फ जाँदै गरेको ग१ज ५९३९ नं. सो जीप सडकदेखि करिब ५ सय मिटर तल खसेको थियो। मृतकको पोष्टमार्टमका लागि जिल्ला अस्पताल स्याङ्जा ल्याइएको प्रहरीले जनाएको छ।