स्याङ्जा २४ माघ । गण्डकी प्रदेश सांसद भागवतप्रकाश मल्लले सहकारीले रकम बचत गर्ने मात्र नभई उत्पादनका क्षेत्रमा लाग्नुपर्ने बताउनुभयो । रोजगारमा जोड्न सहकारीले आयआर्जनतर्फ अभिप्रेरित गराउन सुझाव दिनुभयो ।
भीरकोट महिला बहुउद्देश्यीय सहकारी संस्थामा आयोजित कार्यक्रममा बोल्दै उहाले महिलाहरुलाई आर्थिक रुपमा सशक्त बनाउनका लागी तालिम सहितको सिधै आयआर्जनसंग जोडिने खालका कार्यक्रम संचालन गर्नुपर्नेमा जोड दिनुभयो ।
कार्यक्रममा नगरप्रमुख छायाराम खनाल, प्रमुखका स्वकिय सचिव नन्दलाल खनाल, तरुण दलका जिल्ला उपाध्यक्ष रविन केसी, सहभागि विष्णुमाया बोटे लगायतले महिला लक्षित यस्ता खालका कार्यक्रमले वडाभित्रका सबै बर्गका महिलालार्ई सम्टेदै अघि बढ्न सुझाव दिनुभयो ।
वडा नं. ७ का अध्यक्ष शेषकान्त अर्यालको अध्यक्षतामा सम्पन्न कार्यक्रममा नगरप्रवक्ता दिपेन्द्र केसीले संचालनं कार्यपालिका सदस्य विष्णुमाया काफ्लेले स्वागत एवं हुमनारायण श्रेष्ठले धन्यवाद मन्तब्य ब्यक्त गर्नुभएको थियो ।
यसैबीच, सोही कार्यक्रममा ५४ जनालाई कुखुराको चल्ला वितरण गरिएको हो । लक्षित वर्गको आयआर्जनका लागी दुईदिते तालिम सहित गिरिराज जातका कुखुराका चल्ला वितरण गरिएको भीरकोट महिला बहुउदेश्यीय सहकारी संस्थाले जनाएको छ ।
