स्याङ्जा १३ फागुन । चापाकोट नगरपालिकामा जारी आमन्त्रित जिल्लास्तरीय पुरुष भलिबल प्रतियोगिता एवं सन्तोष थापा स्मृति कपको उपाधि बागलुङले जितेको छ ।
चापाकोट उद्योग वाणिज्य संघद्धारा आयोजित दोस्रो महोत्सवमा संचालित स्मृति कप प्रतियोगिता अन्तर्गत आज (आइतवार) भएको फाइनल खेलमा बागलुङले स्याङ्जालाई ३– १ को सेटमा हराउँदै उपाधि जितेको छ ।
प्रतियोगितको विजेता बागलुङले उपाधिसँगै १ लाख ५० हजार तथा उपविजेता स्याङ्जाले १ लाख रुपैयाँ प्राप्त गरेको छ ।
यसैगरी पर्वतले नवलपुरलाई हराउँदै तेस्रो भएको छ । उसले ५० हजार रुपैयाँ प्राप्त गरेको छ ।
प्रतियोगितामा स्याङ्जा, नवलपुर, बागलुङ, पर्वत, तनहुँ, पाल्पा र कास्की गरी सातबाट जिल्लाको टिमले सहभागीता जनाएका छन् ।
“हाम्रो शान हाम्रो मान, सुन्दर नगर हाम्रो पहिचान” भन्ने मुल नाराका साथ फागुन ३ देखि आजसम्म चापाकोट नगरपालिका ९ गंगालाल माविको खेलमैदानमा भएको थियो ।