संघ तथा प्रदेश निर्वाचनमा एमाले स्याङ्जामा ९२ जना आकांक्षी

स्याङ्जा २४ भदौ । नेकपा एमाले स्याङ्जाले आसन्न संघिय तथा प्रादेशिक निर्वाचनका लागि ९२ जना शिफारिस भएका छन्।
मंसिर ४ गते हुने प्रतिनिधिसभा र गण्डकी प्रदेशसभा निर्वाचनका लागि स्याङ्जामा बसेका क्षेत्रगत बैैठकबाट शिफारिस भएर आएका आकांक्षी उम्मेदवारलाई गण्डकी प्रदेश समितिमा शिफारिसगरि पठाएको एमाले जिल्ला अध्यक्ष सूर्यप्रसाद गैह्रे (पारस)ले जानकारी दिनुभयो ।
अध्यक्ष गैह्रेका अनुसार, स्याङ्जाको २ निर्वाचन र ४ प्रदेशसभाका लागि प्रत्यक्षतर्फ ४२ जना र समानुपातिकतर्फ ५० जना आकांक्षी छन्।
प्रतिनिधीसभा क्षेत्र नं. १ मा नारायणप्रसाद मरासीनी, मिनप्रसाद गुरुङ र प्रा.डा. गणेशमान गुरुङ्को नाम छ। मरासीनी प्रतिनिधीसभाका बहालवाला सांसद र गुरुङ् प्रदेशसभा सांसद हुन। प्रा.डा. गुरुङ केन्द्रिय सल्लाहकार हुन।
यसैगरी, समानुपातिकतर्फ सीता सुन्दास, धु्रव अधिकारी, इस्लाम मिया र गुणाखर सापकोटा रहेका छन्।
क्षेत्र नं. २ तर्फ पदमा अर्यालको मात्र नाम शिफारिस भएको छ। यसअघि किशोर बिक्रम मल्ल र मोहन रेग्मीले पनि नाम दर्ता गराएका थिए। मल्ल केन्द्रिय सदस्य हुन भने रेग्मी प्रदेश सांसद हुन। अर्याल पूर्वमन्त्री र नेकपा एमालेका सचिव हुन।
समानुपातिकतर्फ चक्रबहादुर पराजुली, मुक्तिप्रसाद पाठक र कुलबहादुर विकको नाम छ।
प्रतिनिधीसभा १ को प्रदेशसभा (क) मा प्रत्यक्षतर्फ १४ जना र समानुपातिकमा ६ जना छन्। प्रत्यक्षतर्फ दिपक लम्साल, चुनप्रसाद शर्मा, मनोरथ शर्मा, खिमानन्द सिग्देल, सन्तोष केसी, बिष्णुबहादुर चन्द, तारापती शर्मा, झनमाया पराजुली, दुर्गादत्त भुषाल, डिलकुमार भुजेल, प्रकाश थापा, यादवराज शर्मा, सगुन राना र रामचन्द्र रेग्मी हुन।
(ख) तर्फको प्रत्यक्षमा सुधिरकुमार पौडेल, यज्ञप्रसाद पौडेल, ई. ओम शर्मा, अर्जुनकुमार सुनाम, पुष्पराज बराल, अनन्तकुमार श्रेष्ठ, मोतीप्रसाद पौडेल, कमला मरासीनी, मनोज खड्का, अन्जनी सापकोटा र कृष्णबहादुर केसीगरी ११ जना आकांक्षी छन्। समानुपातिकतर्फ पनि १० जनाले इच्छा प्रकट गरेका छन्।
प्रतिनिधीसभा २ को प्रदेशसभा (क) मा प्रत्यक्षतर्फ ९ जना र समानुपातिकतर्फ १६ जनाको नाम शिफारिस गरिएको छ।
प्रत्यक्षतर्फ मोहन रेग्मी, उदय श्रेष्ठ, ऋषिराम कडेल, पुण्यप्रसाद अर्याल, छवीलाल भुषाल, आनन्द पाठक, शोभाकान्त पौडेल, दामोदर तिवारी र गिरप्रसाद गुरुङ् छन्।
(ख) को प्रत्यक्षतर्फ किशोरबिक्रम मल्ल, शोभियत ढकाल, बुद्धिमान श्रेष्ठ र टंक पाण्डेगरी ४ जना र समानुपातिकमा ११ जनाको नाम शिफरिस गरिएको नेपाल कम्यूनिष्ट पार्टी (एमाले) जिल्ला कार्य समिति स्याङजाले जनाएको छ।