स्याङ्जा २३ मंसिर । जिल्ला अस्पताल स्याङ्जा अन्र्तगत रहेको एकद्धार संकट ब्यवस्थापन केन्द्रले लैंगिक हिंसा सम्बन्धी जनचेतनामूलक कार्यक्रम गरेको छ ।
कार्यक्रममा बोल्दै पत्रकार महासंघका उपाध्यक्ष भवानी अधिकारीले हिंसा महिला, पुरुष र तेस्रो लिंगीमा समेत हुने गरेको जनाउदै सबैले आ आफना घर परिवारबाटै अभियान सुरु गर्नुपर्ने बताउनुभयो । उहाले आजदेखि नै आफना छोरा छोरी दुबैलाई हिंसा र हिंसाबाट सिर्जित परिस्थितीका बारेमा जानकारी गराउदै हिंसामा सून्य सहनशिलता अपनाउने बारे सचेत गराउन सके आउदा दिनमा लैगिंक हिंसामा न्यूनीकरण हुनेमा जोड दिनुभयो ।
कार्यक्रममा डा. सोनिया श्रेष्ठले अस्पतालमा संचालित एकद्धार संकट ब्यवस्थापन केन्द्रका काम, कर्तब्य, अधिकार र आजसम्म गरिदै आएका कामका बारेमा कार्यपत्र प्रस्तुत गर्नुभएको थियो । यसैगरी, डा. पुजन बाटाजुले लैंगिक हिंसा प्रकृती र उपचार तथा नियन्त्रणका बारेमा कार्यपत्र प्रस्तुत गर्नुभएको थियो ।
जिल्ला अस्पताल प्रमुख डा. रमेशप्रसाद आचार्यको अध्यक्षतामा सम्पन्न कार्यक्रममा केन्द्रका इन्चार्ज कृष्ण कार्कीले स्वागत एवं केन्द्रका सम्पर्क ब्यक्ति गीता न्यौपानेले संचालन गर्नुभएको थियो ।
लैगिंक हिंसा बिरुद्धको १६ दिने अभियान पारेर संकट ब्यवस्थापन केन्द्रबाट हुने गरेका काम कारवाहीका बारेमा समेत जानकारी गराइएको थियो । बिस २०७६ सालदेखि संचालित केन्द्रमा अघिल्लो बर्ष १४ जना र गतबर्ष ७० जना हिंसा पिडितलाई आवश्यकता अनुरुपका सहयोग गरेको अस्पताल प्रमुख डा आचार्यले जानकारी दिनुभयो ।
पिडितका लागि बस्ने घरको अथवा आश्रय स्थलको अभाव धेरै खट्किएको उहाले भन्नुभयो ।
