स्यांजा, २५ जेठ ।
नेपाली काँग्रेस अर्जुनचौपारी वडा नं ४ रापाकोटले सोही वडाभित्रका ७५ घर परिवारलाई खाद्यान्न उपलब्ध गराएको छ ।
वडा कार्य समितीको समन्वयमा इच्छुक सहयोगीदातासंग आर्थिक संकलन गरी ज्याला मजदुरी गरेर जिविकोपार्जन गर्दै परिवार पाल्दै आएका परिवारलाई १ सय ५० बोरा चामल सहित नून उपलब्ध गराएको वडा समितीले जनाएको छ ।
बढ्दो कोरोना संक्रमणको जोखिमका कारण झण्डै एक महिनाजति लामो निषेधाज्ञाका कारण यि परिवारलाई खाद्यान्न अभाव भएकोले समस्यामा परेका बर्गलाई केही राहत उपलब्ध गराइएको वडा अध्यक्ष बेलप्रसाद गुरुङले जानकारी दिनुभयो ।
सिमित ब्यक्तिका उपस्थितीमा स्वास्थ्य सुरक्षा मापदण्ड पालना गर्दै सामाग्री खाद्यान्न उपलब्ध गराइएको छ ।
राहत वितरण गर्दै वडाअध्यक्ष बेलप्रसाद गुरुङ, नेपाल महिला संघ अर्जुनचौपारीका सभापति सपना गुरुङ, कांग्रेस नेताहरु भुवनसिंह गुरुङ, दिपक सुनार, केशव चापागाई, सन्तोष गुरुङ् र डेमोक्रेसी अफ स्कुल अर्जुनचौपारीका अध्यक्ष कमल अर्याल लगायतले खाद्यान्न बितरणमा सहजीकरण गर्नुभएको थियो ।
महिनादिनको जिल्ला बन्दका कारण काम गर्न बाहिर निस्कना नपाएका बेला उपलब्ध राहतले निकै सहयोग पुगेको सुकमाया नेपालीको भनाई छ ।
