स्याङ्जा १९ असोज । मोटरसाईकल र स्कुटर चोरी गरेको आरोपमा ४ जना युवा पक्राउ परेका छन्।
चोरीका आरोपित रुपन्देही र स्याङ्जाका हुन्। पक्राउ पर्नेहरुमा बुटवल उपमहानगरपालिकाका ३४ वर्षीय विष्णुबहादुर नेपाली र २८ वर्षीय प्रकाश सिन्धौली (सार्की) हुन।
यसैगरी, भीरकोट नगरपालिकाका २० वर्षीय बिप्लव श्रेष्ठ र २० कै ज्ञानबहादुर गुरुङ रहेको जिल्ला प्रहरी कार्यालय स्याङ्जाले जनाएको छ।
उनीहरुबाट ७ वटा मोटरसाइकल र २ वटा स्कुटर भेटिएको प्रहरी नायब उपरीक्षक राजेन्द्रप्रसाद अधिकारीले जानकारी दिनुभयो ।
पक्राउ गरेका ४ जनालाई चोरी मुद्धा दर्ता भै स्याङ्जा अदालतबाट म्याद थपगरी अनुसन्धान गरीरहेको प्रहरीको भनाई छ।
मोटरसाइकल र स्कुटर चोरीको आरोपमा ४ युवा पक्राउ
