स्याङ्जा १३ असोज । ‘मुटुलाई माया गरौं’ भन्ने नाराका साथ नेपाल ह्दयरोग निवारण प्रतिष्ठान स्याङ्जा शाखाले बिहीवार विश्व मुटु दिवस मनाएको छ।
मुटुलाई कसरी स्वस्थ्य राख्ने भन्ने बारेमा प्रशिक्षण सहित अस्पतालमा उपचाररत बिरामीलाई जुस बितरण गरेर मुटु दिवस मनाइएको हो।
दिवसको अवसरमा बोल्दै जिल्ला अस्पताल स्याङ्जाका मेडिकल सुपरिटेन्डेन्ट डा. रमेशप्रसाद आचार्यले सबैभन्दा महत्वपूर्ण अंगका रुपमा रहेको मुटुको संरक्षणका लागि स्वच्छ र स्वस्थय खानपान, शारिरिक ब्यायाम, आराम आवश्यक रहने तथा मद्यपान र तनावपुर्ण जीवन शैलीबाट टाढा रहनु पर्ने बताउनुभयो ।
मुटु रहेसम्म जीवन रहने हुदाँ मुटुलाई माया र संरक्षण गर्नु पर्छ, डा. आचार्यले भने ‘मस्तिष्क बिग्रे पनि मुटुले काम गरिरहने हुदाँ मुटु शारिरको अत्यन्त महत्पूर्ण अंग मानिन्छ। । दया, भाव, करुणासंगै जीवन जोडिएको हुदाँ स्वस्थ्य मुटु राख्नका लागि दैनिक ३० मिनेट पसिना आउनेगरी हिड्ने, ब्यायाम, योग गर्ने, हरियो तरकारी र फलफूल प्रशस्त खाने, नून, चिनी र चिल्लो कम खाने, पिर चिन्ता नलिने, नरिसाउने, दैनिक ७÷८ घण्टा सुत्ने, सहयोग र दान गर्ने, उच्च रक्तचापा, मधुमेह, कोलेस्टेरोल, टन्सिल लगायत आदि रोग लागेमा तुरुन्त उपचार गराउने, मोटोपन घटाउने, चुरोट, सुर्ती, गुट्खा एवं मद्यपान नगर्न नगराउन सुझाव दिनुभयो ।
कार्यक्रममा पत्रकार महासंघका निवर्तमान अध्यक्ष ओमप्रकाश शर्मा,समाजसेवी बेदप्रसाद दोरंगाा, मखमली श्रेष्ठ लगायतले आफनो मुटुको माया, संरक्षण र सुरक्षित बनाई स्वस्थ्य जीवन जीउनु पर्ने बताउनुभयो ।
प्रतिष्ठानका अध्यक्ष नवराज सुवेदीको अध्यक्षतामा सम्पन्न कार्यक्रममा सदस्य भवानी अधिकारीले स्वागत एवं सदस्य महादेव श्रेष्ठले संचालन गर्नुभएको थियो ।
यसैबीच, जिल्ला अस्पतालमा बिभिन्न वार्डमा भर्नाभै उपचाररत १५ जना बिरामीलाई जुस प्रदान गरिएको छ।
