स्याङ्जा २१ असार । बिहीवार साँझदेखि परेको अविरल बर्षाका कारण शुक्रवार बिहान भीरकोट नगरपालिका ९ साउण्डीमा गोठ भत्किएको छ ।
गोठ भत्किदा चन्द्रबहादुर सिंजाली र उनका पत्नी ठकुकुमारी सिंजाली घाईते हुनु भएको छ ।
कुडो खुवाउन जान लाग्दा गोठ भत्किएको बताइएको छ । गोठ भत्किदा एउटा भैसी र २ बाख्रा मरेका छन भने एउटा भैसी घाईते भएको प्रहरीले जनाएको छ ।
घाईते ६७ बर्षिय चन्द्रबहादुर र ५८ बर्षिया ठकुकुमारीको प्राथमिक स्वास्थ्य केन्द्र वालिङ्मा उपचार भैरहेको छ ।