स्याङजा ३१ साउन । स्याङजामा नेपाल ह्दयरोग निवारण प्रतिष्ठान स्याङजा शाखा गठन भएको छ ।
स्याङजा सदरमुकाममा आयोजित मुटुरोग बिशेषज्ञ, चिकित्सक, सरोकारवालबीच भएको भेलाले वरिष्ठ ब्यवसायी नवराज सुवेदीको अध्यक्षतामा १५ सदस्यीय जिल्ला कार्य समिति चयन गरेको हो ।
समितिको सदस्यमा शंकरप्रसाद लामिछाने, भवानी अधिकारी, हाजी शाह मोहम्मद, ईन्द्रेणी अधिकारी, रेखा थापा, रविन्द्र केसी, महादेव श्रेष्ठ, करुणा पौडेल, उमा श्रेष्ठ, निरज ढकाल, प्रमोद प्रधान, खिमानन्द पराजुली, मुबारक मिया निर्मल खातीलाई चयन गरेको हो ।
कार्यक्रमलाई सम्बोधन गर्दे ह्दयरोग निवारण प्रतिष्ठानका पूर्व सभापति एवं प्राध्यापक डाक्टर प्रकाशराज रेग्मीले २५ प्रतिशत मृत्यु मुटुका कारण भएको जनाउदै मुटु स्वस्थ्य बनाउन सुझाउनु भएको थियो ।
उहाले जुनसुकै उमेर र अवस्थामा पनि मुटु रोग लाग्न सक्ने हुदा समयमै नियमित चेकजाँज, आहार बिहार र बिश्रामलाई ध्यान दिन जरुरी रहेको बताउनुभयो । उहाले मुलुकभरका सबै जिल्लामा ह्दयरोग निवारण प्रतिष्ठान गठन भएको र प्रतिष्ठान माफृत उपचारमा सहजीकरण तथा नियन्त्रण गर्ने उदेश्य रहेको जानकारी गराउनुभयो ।
बालबालिका र जेष्ठ नागरिकका लागि राज्यले तोकेका सरकारी अस्पतालबाट निशुल्क उपचार पाउने ब्यवस्था गरेता पनि सो का बारेमा आमनागरिक अनभिज्ञ रहेको उहाको भनाई छ ।
कार्यक्रममा केन्द्रीय सदस्य एवं डा. प्रेमराज बैध, डा. बिनायक गौतम, कास्कीका सभापति केदार ढकाल, स्याङजाका सभापति नवराज सुवेदी लगायतले प्रतिष्ठान गठन र यसका काम कर्तब्य अधिकारका बारेमा जानकारी गराउदै जिल्लामा मुटुरोग सम्बन्धी स्वास्थ्य शिविर लगायत बिबिध कार्यक्रम संचालन गर्ने प्रतिबद्धता जनाउनुभयो ।
