स्याङजा, २९ साउन । नेपाली कांग्रेसले बिरुवा गाउँपालिकामा प्रशिक्षण कार्यक्रम गरेको छ ।
गाउपालिकाको वडा नं. ७ र ८ लाई लक्षित गर्दे आयोजित प्रशिक्षण कार्यक्रमको उदघाटन गर्दे संबिधानसभा सदस्य राजु थापाले नेपाली कांग्रेसको उदारवादी र स्वतन्त्र नीतिका कारण पार्टीमा युवाको आर्कषण बढेको बताउनुभयो । हाम्रा पूर्वजले उठाएका आवाजका कारण एकदलीय र निरंकुश पञ्यायती शासन ब्यवस्था परिवर्तन भएको स्मरण गराउदै नागरिक स्वतन्त्रता र लोकतन्त्रको रक्षार्थ हामी एकजुट हुनुपर्नेमा उहाँले जोड दिनुभयो । हाम्रा पूर्वजका योगदान र बलिदानीले प्राप्त शासन ब्यवस्थालाई मजवूत बनाउनका खातिर सबै युवालाई नेपाली कांग्रेसमा आवद्ध हुन युवा नेता थापाको आग्रह छ ।
कार्यक्रममा महासमिति सदस्य तुलसी गिरी, क्षेत्रीय सभापति तुलसीराम रेग्मी, नेपाल शिक्षक संघका केन्द्रिय उपाध्यक्ष भरतप्रसाद लम्साल, वडा नं. १ का अध्यक्ष युवराज केसी, मुस्लिम संघ गण्डकी प्रदेश सभपाति शाह मोहम्मद मिया, नेपाल बिद्यार्थी संघका जिल्ला अध्यक्ष अजित क्षेत्री, तरुण नेता धु्रव खाँण, कांग्रेस नेताहरु प्रकाश तिवारी र नरेश पौडेल, नेपाली कांग्रेस वडा नं. ७ का सभापति खडगबहादुर गुरुङ लगायतले नेपाली कांग्रेस र आगामी कार्ययोजनाका बारेमा सुझाव एवं आ आफना धारणा ब्यक्त गर्नुभएको थियो । नेपाली कांग्रेस वडा नं. ८ का सभापति छवीलाल गाहको सभापतित्वमा सम्पन्न कार्यक्रमको संचालन क्षेत्रीय सचिव डिआर पोखरेलले गर्नुभएको थियो ।
यसैगरी, बिभिन्न राजनीतिक दल परित्याग गर्दे युवा नेता गणेश गुरुङको नेतृत्वमा ७ र ८ वडाबाट ५९ जना युवाहरु नेपाली कांग्रेस पार्टीमा प्रवेश गरेका छन। उहाहरुलाई संबिधानसभा सदस्य राजु थापा र क्षेत्रीय सभापति तुलसीराम रेग्मीले सदस्यता प्रदान गर्दे खादा र अविरले स्वागत गर्नुभएको थियो ।