स्याङजा २७ असार । स्याङजा सदरमुकाम अर्थात पुतलीबजार नगरपालिका १ स्थित ठाडोलाईन — पुतलीखेत जोड्ने बाटो भत्किएपछि कागारार परिसरमा पहिरो गएको छ।
केही दिनेदेखिको लगातारको बर्षाका कारण गतबर्ष निर्माण गरेको सो पक्की मोटरबाटो आइतवार मध्यान्हमा भत्किएको हो।
जिल्ला अदालत परिसर भन्दा मुनि र कारागार शाखा भन्दा माथितिरको सो बाटो भत्किएपछि त्यहाँवाट झरेका ढुंगा माटो कारागार तर्फ झरेको छ।
पक्की बाटो चर्किएपछि आवत जावतमा रोक लगाइएको थियो। सवारी साधन चलाउन र मानिसलाई आवतजावत गर्न दिइएको थिएन्।
कारागार शाखा माथिको भाग चर्किएर जमिन नै ढल्केको देखेपछि कारागारभित्र बसेका ३० जना कैदीबन्दीलाई पोखरा र तनहुँका कारागार शाखामा स्थानान्तरण गरिएको जेलर चुडामणी भण्डारीले जानकारी दिनुभयो ।
कारागार शाखा प्रमुख भण्डारीका अनुसार यस्तै बर्षा भैरहने हो भने कारागारलाई पनि थप असर पार्न सक्ने भएपछि उनीहरुलाई स्थानान्तरण गरिएको हो।
पुतलीखेत र स्याङजा जोड्ने यो छोटो मार्ग हो।
