स्याङ्जा ११ भदौ । वन्यजन्तुको आक्रमणबाट पीडित स्याङ्जाका किसानले झण्डै २ वर्षदेखि राहत नपाएको बताएका छन् । वन्यजन्तुबाट भएको क्षतिको राहत वितरण निर्देशिकामा राहतको ब्यवस्था हुदाहुदै पनि राहत पाउन नसकेको किसानका गुनासा छन ।
डिभिजन कार्यालयका वन अधिकृत अम्बरबहादुर पराजुलीले २० महिनादेखि किसानका राहत रोकिएको बताउनुभयो । यसअघि वन्यजन्तुले आक्रमण गरेपछि सत्यतथ्य ठहरिएमा एक महिनाभित्र राहत उपलब्ध गराउने गरेको बताउनुभयो । यसका लागि कुनै समयसीमा नभएको र अहिले जस्तो घटना कहिल्यै नभएको पनि उहाले भन्नुभयो ।
‘यसअघि अन्नपूर्ण संरक्षण क्षेत्र आयोजना (एक्याप)बाट उपलब्ध हुँदै आएको राहत २ वर्षअघि वन निर्देशनालय मार्फत दिने निर्णय भएको थियो। निकुञ्जतर्फका निकुञ्जले र वनतर्फका बनले राहत दिनेगरी निर्णय भए पनि बजेटमा समावेश नगरिदिँदा यस्तो अन्यौल भएको हो। त्यसपछि राहत आएको छैन। निर्देशनालयमा राहतका सिफारिस पठाएका छौं।
स्याङ्जाले जिल्लाभरका राहतवापत संकलित १८ लाख ८७ हजार ८० रुपैयाँ बराबरको सिफारिस गरी पठाएको छ। जिल्लामा ३ सय २५ वटा घटनामा एउटा मानवीय क्षति भएको छ। ती मध्ये ३ सय ३८ वटा पशुधनको क्षति, पक्षीमा कालिज समेतगरी २ सय ७० वटा र अन्नबाली गरी २० क्विन्टल मकै क्षति पुगेको डिभिजन बन कार्यालयका प्रमुख नवराज बरालले जानकारी दिनुभयो ।