स्याङजा १८ साउन । स्याङजा जिल्ला प्रशासन र स्याङ्जामा क्रियाशिल पत्रकारबीच अन्र्तक्रिया गरिएको छ । सोही अवसर पारेर कार्यालयबाट भए गरेका काम प्रगतीका बारेमा जानकारी दिइएको छ ।
जिल्ला प्रशासन कार्यालयमा भएको अन्र्तक्रिया कार्यक्रममा बोल्दै प्रमुख जिल्ला अधिकारी सुनिता नेपालले जिल्लामा बर्षभरि भएका कामकारवाही र प्रगतीका बारेमा जानकारी गराउनुभएको थियो । उहाले २०७७ सालमा भएको मनसुनजन्य क्षतिका लाभग्राहीले क्षति वापतको रकम भुक्तान गर्न नपाएको बताउनुभयो । उहाले लाभग्राही कायम हुन बिभिन्न आवश्यक प्रमाणपत्र पुरा गर्न नसकेका कारण क्षतिपूर्तिमा कठिनाइ भएको बताउनुभयो ।
उहाले गएको असारमा भएको विपत्तीले ठूलो धनजन क्षति पुगेको बताउनुभयो । साथै स्थानीय पालिकाको सहयोगमा प्रशासन कार्यालयले अतिक्रमित जग्गाहरु खोजी कार्य गरिरहेको जानकारी दिनुभयो । प्रशासन कार्यालयमा सहायता कक्ष, स्वास्थ्य कक्ष, हुलाक कार्यालयको दरभाउमा टिकटको ब्यवस्था समेत गरिएको जनाउदै आगामी दिनमा बैंकको काउण्टर र कारागार स्तरोन्नतीका लागि काम अघि बढेको जानकारी दिनुभयो । जिल्ला शान्ति, सुरक्षा र सुब्यवस्था सहित बजार ब्यवस्थापनका लागि सरोकारवालाबीच अन्र्तक्रिया गर्दै अघि बढेको बताउनुभयो ।
यसैगरी, सहायक प्रमुख जिल्ला अधिकारी दिपक पौडेलले प्रशासन कार्यालयबाट नियमित भए गरेका काम कारवाहीका बारेमा जानकारी दिनुभयो । हिउदमा लागेको आगलागीका कारण स्याङुजामा ५ जनाको ज्यान गएको र बर्षामा आएको बाढीपहिरोमा परि ९ जनाको ज्यान गएको उहाले भन्नुभयो । जिल्लाभर १४ वटा पूर्णरुपमा क्षति भएको पनि जानकारी दिनुभयो ।
प्रशासन कार्यालयले विपत्तीमा परि ज्यान गएकाका परिवारलाई र्र क्षति भएका घरलाई घरघरमै पुगेर राज्यद्धरा उपलब्ध राहत प्रदान गरिएको बताउनुभयो । जिल्लाका केही बस्ती बस्नका लागि जोखिम देखिएकाले गृहमन्त्रालयसंगको समन्वयमा भूविज्ञ प्राबिधिक टोली झिकाई स्थलगत अध्ययन अनुगमन गर्नेगरी तयारी भैरहेको उहाले जानकारी दिनुभयो । बर्षातका समयमा सिद्धार्थ राजमागर्ममा परेका खाल्डाखुल्डी मर्मतका सडक बिभागसंग सम्पर्क भएको र छिटै मर्मतको कार्य गरिने समेत उहाले भन्नुभयो ।
सोही कार्यक्रममा पत्रकार महासंघका अध्यक्ष श्रीकृष्ण सिग्देल, निवर्तमान अध्यक्ष ओमप्रकाश शर्मा लगायतले जिल्लाको अवस्थाका बारेमा जानकारी गराउनु भएको थियो । अन्र्तक्रिया कार्यक्रममा जिल्लास्थित झण्डै एक दर्जन पत्रकारहरुको सहभागिता थियो ।