स्याङ्जा ९ फागुन । पत्रकार मधु लम्साललाई पितृशोक परेको छ । लम्सालका बुवा खेमराज लम्सालको आइतवार राती निधन भएको हो ।
पुतलीबजार नगरपालिका १ का समाजसेवी खेमराज लम्सालको ८३ बर्षको उमेरमा निधन भएको हो ।
मुटु र उच्च रक्तचाप सम्बन्धी समस्या देखिएपछि थप उपचारका लागि पोखरा लगिएकोमा उही उनको मृत्यु भएको पारिवारिक स्रोतले जनाएको छ ।
कालीगण्डकी नदी किनार रामनदीधाम राम्दीमा हिन्दु धर्मसंस्कार अनुरुप लम्सालको सोमबार दिउँसो अन्तिम संस्कार गरिएको छ । उहाका २ छोरा ४ छोरी र पत्नी हुनुहुन्छ ।
