स्याङ्जा ९ कात्तिक । नेपाल बिद्यार्थी संघ स्याङ्जाले विद्यालयमा अक्षयकोषको स्थापना गरेको छ । डम्बर बहादुर बिक स्मृति जयनेपाल छात्रवृत्ति कोष निर्माण गरि अर्जुनचौपारी गाउँपालिका स्थित नबदुर्गा आधारभुत बिधालयलाई हस्तान्तरण गरेको छ ।
मंगलबार अर्जुनचौपारीमा आयोजित कार्यक्रममा नेबिसंघ स्याङ्जाको एक सय प्रजातन्त्र सेनानी एक सय जयनेपाल अक्षयकोष अभियान अन्र्तगत विद्यालयमा आयोजित कार्यक्रममा गाउँपालिका अध्यक्ष दिर्घनारायण अर्यालले स्व बिकले काङ्ग्रेस र समाजको लागि सकारात्मक चेतना बोकेर संघर्ष गरेको स्मरण गर्नुभयो । उहा दलित अगुवा र प्रजातान्त्रिक नेता भएको स्मरण गर्दै छात्रवृत्तिकोष मार्फत प्रजातन्त्र सेनानीलाई स्मरण गर्न पाएकोेमा नेबिसंघलाई धन्यवाद व्यक्त गर्नुभयो ।
कार्यक्रममा नेपाली काङ्ग्रेस उद्योग बिभाग केन्द्रिय सदस्य प्रकाश तिवारी , नेपाली काङ्ग्रेस अर्जुनचौपारी १ का सभापति रनबहादुर थापा, हरि काफ्ले, बिधालयको अध्यक्ष डबलप्रसाद अर्याल, धनबहादुर अधिकारी, नेबि संघका नेताहरु नवराज पौडेल, युबराज हमाल लगायतले स्व बिकको योगदान र जयनेपाल छात्रवृत्ति कोषको बारे चर्चा गर्नुभएको थियो ।
नेपाल बिद्यार्थी संघ स्याङ्जाका अध्यक्ष अजित क्षेत्रीको अध्यक्षता सम्पन्न कार्यक्रममा अर्जुनचौपारी नेबिसंघ अध्यक्ष केशब चापागाईंले संन्चालन गर्नुभएको थियो ।
अक्षयकोष निर्माणका लागी नेबिसंघ स्याङ्जाबाट २५ सय, गाउँपालिका अध्यक्ष दिर्घनारायण अर्यालबाट ३ हजार, काङ्ग्रेस नेताहरु सपना गुरुङबाट १ हजार २० , अनिल गुरुङबाट १ हजार १११ लाल केसि १५ सय, स्कुल अफ डेमोक्रेसीबाट १५ सय, नवराज पौडेल १ हजार, हरिप्रसाद काफ्ले १ हजार सहयोग गर्नुभएको थियो । अक्षयकोष १५ हजार १३१ रुपैँयाको रहेको छ ।
सो रकमबाट आर्जित ब्याजबाट कक्षा १,२ र ३ कक्षाका प्रथम बिद्यार्थीलाई प्रदान गरिने जनाइएको छ।
