स्याङजा १० मंसिर । नेपाली काङ्ग्रेस स्याङ्जाको अधिवेशन अन्तर्गत मतगणना शुरु भएको छ ।
आज भएको मतदानमा कुल २ हजार २५७ मतमध्ये २ हजार२१८ मत खसेको थियो ।
पुतलीबजार नगरपालिका १ माले बगर स्थित त्रिभुवन आदर्श बहुमुखी क्याम्पसमा भएको मतदान साझ ५ बजे सकिएको हो । त्यसपछि नेपाली कांग्रेस पार्टी कार्यालयमा मतगणना शुरु भएको हो ।
अहिले मतगणना जारी छ । स्याङ्जाको जिल्ला सभापतिमा भागवतप्रकाश मल्ल र राजु थापा बीच प्रतिस्पर्धा रहेको छ ।
उपसभापतिमा केदार काफ्ले, टिकाराम ढकाल, नारायणप्रसाद पौडेल, शेरबहादुर थापा, होमप्रसाद भट्टराईबीच प्रतिस्पर्धा हुने भएको हो ।
त्यस्तै सचिवका लागि गुरुप्रसाद भट्टराई, दामोदर लम्साल, बुद्धिसागर भण्डारी, रामचन्द्र रेग्मी रहनु भएको छ ।