स्याङ्जा २४ कात्तिक । नेपाली कांग्रेस पुतलीबजार नगरपालिकाले भर्खरै सम्पन्न भैसकेका र आउदा पर्वहरुलाई लक्षित गर्दे शुभकामना आदानप्रदान गरेको छ।
बिजयादशमी, नेपाल सम्बत, शुभदिपावली, छठ, इद, ल्होसार लगायतका नेपालीहरुका मौलिक पर्वहरुको शुभकामना आदानप्रदान कार्यक्रम गरेको हो ।
पुतलीबजार नगरपालिका १ स्थित सिटी हलमा आयोजित कार्यक्रममा बोल्दै नगर सभापति सुरजकुमार अधिकारीले नेपालीका मौलिक चाडपर्वले सबैजातजाती, धर्मभाषा भाषाीप्रति आत्मियता बढाउने बताउनुभयो ।
नेपालीले मनाउने सबै चाडपर्व र धर्मसंस्कृतिको रक्षा र सम्बद्र्धनका लागि नेपाली कांग्रेसको समान धारणा रहेको उहाको भनाई छ ।
कार्यक्रममा नेकपा एमाले नगर अध्यक्ष भरतबहादुर गोदार, नेकपा माओवादी केन्द्रका दुर्गानारायण ढकाल, नेकपा एकिकृत समाजवादीक नगर अध्यक्ष श्रीप्रसाद गुरुङ, राष्«िटय प्रजातन्त्र पार्टीका संयोजक जयनारायण श्रेष्ठ लगायत नेपाली कांग्रेसका मातृतथा भातृसंगठनका प्रमुख तथा नेता कार्यकर्ताहरुले शुभकामना आदानप्रदान गरेका थिए।
शुभकामना आदानप्रदान कार्यक्रमको सहजीकरण नेपाली कांग्रेस नगर सचिव माधव श्रेष्ठले गर्नुभएको थियो ।
यसैगरी, शुभकामना आदानप्रदान कार्यक्रममा खिलुङ्कालिका म्यूजिक एण्ड मूभिज प्रा.लि.ले बिबिध साँस्कृतिक कार्यक्रम प्रस्तुत गरेको थियो ।
