नेपाली कांग्रेस केन्द्रिय सदस्यमा स्याङ्जाका ५ आकांक्षी

स्याङ्जा २२ मंसिर । जिल्ला र प्रदेशको निर्वाचन सकिएसंगै नेपाली कांग्रेसका महाधिवेशन प्रतिनिधीको ध्यान केन्द्रतर्फ सोजिएको छ। दुई समूह र प्यानलगतरुपमा चुनावी प्रतिस्पर्धामा उत्रेका स्याङ्जा कांग्रेसका आधा दर्जन युवाहरुले केन्द्रिय सदस्यमा उम्मेदवार दिने आकांक्षा सार्वजनिक गरेका छन्।
ती मध्ये एक महिला नेतृ सहित ५ जनाले आ आफना उम्मेदवार सार्वजनिक गरेका छन्। नेपाली कांग्रेसको १४ औं महाधिवेशनमा स्याङ्जाका सरस्वती अर्याल तिवारीले केन्द्रिय सदस्य पदमा उम्मेदवारी दिने घोषणा गर्नुभएको छ ।
नेपाल महिला संघका केन्द्रिय उपसभापति एव नेपाली कांग्रेस स्याङ्जाका महासमिति सदस्य समेत रहेकी तिवारीले आसन्न अधिवेशनमा केन्द्रिय सदस्य पदमा उम्मेदवारीको घोषणा गर्नुभएको हो ।
वि.सं. २०४४ सालदेखि नेपाल बिद्यार्थी संघमा आवद्ध उहा २०५१ सालमा नेपाली कांग्रेसको क्रियाशिल सदस्य बन्नुभयो । कांग्रेसको तल्लोतह नेपाल बिद्यार्थी संघबाट राजनीती सुरु गरेकी उनले जिल्ला सदस्य हुदै तरुण दलको केन्द्रिय सदस्य बन्नुभयो ।
तिवारीले तरुण दलमा रहेर विदेश बिभागको समेत जिम्मेवारी सफलता पूर्वकपुरा गर्नुभएको छ । उहासंग ११ बर्ष तरुण दलमा र ४ बर्षे महिला संघको पदमा रही काम गरेको अनुभव छ।
विस २०६४, २०७० र २०७४ सालको बिभिन्न निर्वाचनमा समानुपातिकतर्फका उम्मेदवार बन्ने अवसर पाए पनि सफलता भने मिलेन् उहालाई। स्पष्ट एवं प्रखर वक्ता तिवारीले बिगत १२ औं, १३ औं र १४ औं अधिवेशनमा पनि सहभागी हुने मताधिकार सहित ३ पटक महासमिति सदस्य बन्न सफल हुनुभयो ।
जिल्लाबासी बिच लोकप्रिय तिवारीले तल्लोतहदेखि काम गरेको अनुभव र पार्टीमा निरन्तर क्रियाशील छन। आफु जस्ता युवाहरुको आवाज प्रतिबिम्बित गर्नका लागि आफनो उम्मेदवारी केन्द्रिय सदस्यमा रहेको तिवारीले बताउनुभयो ।
यसैगरी, नेपाली काँग्रेसका युवा नेता बिष्णु पौडेलले नेपाली काँग्रेसको १४ औँ महाधिवेशनमा केन्द्रीय सदस्य पदमा उमेद्ववारीको घोषणा गर्नुभएको छ ।
पौडेल पनि नेपाल विद्यार्थी संघको जिल्ला र केन्द्रिय राजनीति हुँदै नेपाली कांग्रेसको पार्टी राजनीतिमा क्रियाशील हुनुहुन्छ ।
पौडेल २०७४ सालको निर्वाचनमा स्याङ्जाको निर्वाचन क्षेत्र न २ को प्रदेशसभा क को प्रदेश सांसदको उपविजेता हुनुभयो ।
बिद्यार्थी, तथा तरुणबीच लोकप्रिय छवि बनाएका पौडेलले केन्द्रीय समितिमा ४० वर्ष भन्दा कम उमेरका युवाहरुको सहभागिता अपरिर्हाय भएको जनाउदै आफ्नो उम्मेदवारी प्रस्तुत गरेको जनाउनुभयो ।
यस्तै, स्याङ्जा महासमिति सदस्य एवं तरुण दलका पूर्व जिल्ला अध्यक्ष एवं केन्द्रिय सदस्य गोविन्द रानाभाटले पनि नेपाली कांग्रेसको केन्द्रिय सदस्यमा उम्मेदवारीको घोषणा गर्नुभयो ।
समग्र नेपाली कांग्रेसको राजनीतिलाई स्वच्छ र स्वस्थ्य बनाउने अभियानका लागि आफनो उम्मेदवारी घोषणा गरेको रानाभाटको दावी छ।
यस्तैगरी, नेपाल शिक्षक संघका उपाध्यक्ष, स्याङ्जा निर्वाचन क्षेत्र नं. १ का पूर्व क्षेत्रीय सचिव, भरतप्रसाद लम्सालले पनि गण्डकी प्रदेशबाट केन्द्रीय सदस्यको रुपमा आफ्नो उम्मेदवारी प्रस्तुत गर्नुभएको छ ।
नेपाली कांग्रेसमा रुपान्तरण, हस्तान्तरण र विधानसम्मत संचालनको लागि आफनो उम्मेदवारी रहेको आकांक्षी लम्सालको भनाई छ।
र, नेपाल बिद्यार्थी संघदेखि जिल्लामा कांग्रेसको राजनीति सुरु गरेका र पत्रकार इन्द्रबहादुर रिजालले पनि आसन्न महाधिवेशनमा केन्द्रिय सदस्यको उम्मेदवारी घोषणा सार्वजनिक गर्नुभएको छ ।
आकांक्षी रिजालले चौधौं महाधिवेशनलाई रुपान्तरण, पुस्तान्तरण, युवापुस्तामा हस्तान्तरण र नयाँ समीकरणमा चल्ने राष्ट्रिय शक्ति बनाउन भूमिकामा रहनेगरी आफनो उम्मेदवारी रहेको जनाउनुभयो ।
स्याङ्जाका ५ नगरपालिका र ६ गाउँपालिका तथा २ निर्वाचन क्षेत्र गरेर २ हजार २ सय ५९ जना क्षेत्रीय प्रतिनिधि थिए।
ती मध्ये खुला, महिला, जनजाती, दलित, अल्पसंख्यक÷अपांग र केन्द्रिय सदस्यगरी स्याङ्जाबाट ५२ जनाले महाधिवेशनमा मताधिकारको उपयोग गर्न पाउनेछन्। कांग्रेसको केन्द्रिय महाधिवेशन मंसिर २४ देखि काठमाण्डौंमा सुरु हुदैछ।