स्याङ्जा ३ मंसिर । नेपाली कांग्रेसको १४औं महाधिवेशन अन्र्तगत आज प्रदेशसभा निर्वाचन हुने भएको छ । स्याङ्जाका ४ प्रदेशसभा निर्वाचनका लागि मनोनयन दर्ताका प्रक्रिया भने हिजोदेखि सुरु भएको छ ।
आज ४ वटै प्रदेश निर्वाचनका लागि मतदान हुने जिल्ला निर्वाचन अधिकृत रामचन्द्र गौतम (आरसी) ले जानकारी दिनुभयो । उहाका अनुसार ४ वटै प्रदेशसभाका निर्वाचन अधिकृत तोकिएर आ आफना क्षेत्रमा पुगेर काम सुरु गरिसक्नु भएको सचिवालयले जनाएको छ ।
निर्वाचन क्षेत्र १ को प्रदेश क मा ५३६, ख मा ४९३ र निर्वाचन क्षेत्र को प्रदेश क मा ६०० र ख मा ६३० जना मतदातागरी २ हजार २ सय ६२ जना छन । नेपाली कांग्रेस केन्द्रीय महाधिवेशन २४–२६ मंसिरमा काठमाडौंमा हुने कार्यतालिका छ ।
महाधिवेशनको तीव्र तयारीमा लागेको कांग्रेसले देशैभरिका तीन सय ३० वटा प्रदेशमा अधिवेशन सम्पन्न गरेपछि ६ मंसिरमा एक सय ६५ प्रतिनिधिसभा क्षेत्रमा अधिवेशन गर्ने कार्यतालिका छ ।