काठमाण्डौं २० पुस । नेपाली काँग्रेसले सत्ता गठबन्धनमा आफ्नो भागमा परेका राष्ट्रियसभा सदस्य निर्वाचनको लागि ६ जना उम्मेदवारको नाम टुङ्गो लगाएको छ । हिजो बसेको केन्द्रीय कार्यसमितिको बैठकले उम्मेदवारहरुको नाम टुंगो लगाएको हो ।
जसअनुसार प्रदेश १ मा गोपालकुमार बस्नेत, बागमतीमा कृष्णप्रसाद पौडेल, गण्डकीमा कमला पन्त, लुम्बिनीमा युवराज शर्मा, कर्णालीमा दुर्गाकुमारी गुरुङ, सुदूरपश्चिम प्रदेशमा नारायण मिश्र रहेका छन् । हिजो बसेको बैठकले १२ माघमा हुने मतदानमा गठबन्धनका उम्मेदवारहरुलाई मत दिन समेत आह्वान गर्ने निर्णय गरेको छ ।
यसअघि फागून २० गते खाली हुने १९ सिटमध्ये आठ वटामा एमाले र बाँकीमा सत्ता गठबन्धनकै सदस्यहरू रहेका छन् । यसअघि जुन–जुनबाट सदस्यहरु थिए, त्यो सिटमा सम्बन्धित दलबाटै उम्मेदवार बनाउने सहमति भएको छ । निर्वाचनको लागि आज मनोनयन दर्ता हुँदैछ ।