स्याङजा ५ कात्तिक । स्याङ्जाका नवआगन्तुक प्रमुख जिल्ला अधिकारी राजुप्रसाद पौडेल र पत्रकारबीच परिचयात्मक कार्यक्रम सहित जिल्लाका अवस्थाका बारेमा छलफल भएको छ ।
कार्यक्रममा बोल्दै प्रजिअ पौडेलले समग्र जिल्लाको शान्ति सुब्यवस्था, विकास निर्माण र नागरिकमैत्री सेवा प्रवाहमा निरन्तर लागि पर्ने बताउनुभयो । मन्त्रालयले प्रजिअको जिम्मेवारी सहित पठाएकाले आफनो क्षमता र कानूनी अधिकारभित्र रहेर काम गर्ने उहाँले बताउनुभयो । राजमार्गमा देखिएका समस्या तत्काल समस्या समाधान गर्ने बताउदै प्रजिअ पौडेलले पालिकाभित्रका समस्याका लागि भने आफु प्रयासरत रहने जनाउनुभयो ।
कार्यक्रममा प्रेस युनियनका अध्यक्ष प्रदीप कोइराला, पत्रकार महासंघका अमृत अर्याल, स्याङ्जा सम्पर्क समाजका अध्यक्ष इन्द्र रिजाल, पत्रकार महासंघका निवर्तमान अध्यक्ष ओमप्रकाश शर्मा, पत्रकार महासंघका अध्यक्ष श्रीकृष्ण सिग्देल लगायतले जिल्लाका अवस्था र पत्रकारका समस्याका बारेमा जानकारी गराउदै सहकार्य गर्दे स्याङ्जाको विकासका लागि सहयोग गर्ने बताउनुभयो ।
एक साताअघि नेपाल सरकारले उहालाई स्याङ्जा सरुवा पठाएको भने कात्तिक ३ गतेदेखि प्रजिअको पदवहाली गर्नुभएको हो ।
