स्याङ्जा २५ कात्तिक । राष्ट्रिय प्रजातन्त्र पाटीका केन्द्रीय अध्यक्ष राजेन्द्र लिङ्देनले देश विगार्ने कि बनाउने बेला आएको बताउनु भएको छ ।
स्याङ्जाको वालिङमा आयोजना गरिएको संघिय निर्वाचन क्षेत्र नम्वर २ को चुनावी सभामा बोल्दै केन्द्रीय अध्यक्ष लिङ्देनले देश बनाउने र विगार्ने मतदाताको हातमा रहेको बताउनुभएको हो । देश बन्छ कि भनेर राणा, राजा फाल्दै गणतन्त्र सम्म आईपुग्दा पनि देशको अवस्था नाजुक भएको धारणा राख्दै अध्यक्ष लिङ्देनले देशलाई बनाउने हो भने मत बदल्ने बेला आएको बताउनुभयो ।
काँग्रेस र कम्युनिष्टले ३० बर्ष भन्दा बढी मुलुकको शासन चलाउदा देश र नागरिकले के नयाँ सन्देश पाए भन्ने समिक्षा गर्नपर्ने बताउनुभयो । आगामी मंसिर ४ गतेको आम निर्वाचन विगतको समिक्षा गर्ने र आगामी भविष्यको मार्ग तयगर्ने महत्वपुर्ण अवसर भएकोमा जोड दिनुभयो ।
एक चोटी मनलाई मतमा बदल्नुहोस राप्रपा भन्न आएको छ अध्यक्ष लिङ्देनले भने,‘हामी व्यवस्था बदल्छौं, हामी जनताको अवस्था बदल्छौं ।’ अझै पनि पुरानै पाटी भनेर मतदान गर्न खोज्यौ भने यो देश विगार्ने दोशी तपाईहरु पनि हो उहाले भन्नुभयो । आलोपालो जस्तै गरी देशलाई खोक्रो बनाउने ठुलापार्टीलाई यो पटक मतदान बदलेर हेर्नुपर्ने धारणा लिङ्देनको थियो ।
कार्यक्रममा बलियुडकी चर्चित नायिका मनिषा कोइरालाले ठुला राजनीतिकदलले देशलाई भष्ट्रचारको भुमरीमा डुबाएको आरोप लगाउनुभयो । । राप्रपाका अध्यक्ष लिङ्देनले भष्ट्रचार बिरोधी अभियान्ता भएकोले आफु राप्रपामा लागेको बताउनुभएको थियो ।