स्याङ्जा, २६ मंसिर । झण्डैं ८ किलो सुकेको गाँजा सहित जेष्ठ नागरिक डिलबहादुर गुरुङ् पक्राउ परेका छन्।
गाँजा कारोवारमा संलग्न रहेको भन्दै बिशेष सूचनाका आधारमा खोजीकार्य गर्दा ७ किलो ८ सय सुकेको गाँजा सहित उनकै निवासबाट पक्राउ गरिएको प्रहरी उपरीक्षक राजीवबहादुर बस्नेतले बताउनुभयो ।
पुतलीबजार नगरपालिका २ निवासी ६७ बर्षिय गुरुङ्ले आफनै घरभित्र ३ वटा जेव्रा झोला र २ वटा बोरामा लुकाईछिपाई राखेको अवस्थामा पक्राउ परेको बताईएको छ।
गाँजा र गुरुङ् बारे थप अनुसन्धान जारी रहेको र आवश्यक कानूनी कारवाही सुरु भैसकेको प्रहरी नायब उपरीक्षक राजेन्द्रप्रसाद अधिकारीले जानकारी दिनुभयो । अदालतवाट उनलाई ७ दिनको म्यादथप भई कानूनी कारवाही सुरु भएको प्रहरीले जनाएको छ ।
