पोखरा, २९ जेठ । गण्डकी प्रदेशमा शनिबार नयाँ सरकार गठन हुँदैछ । शुक्रबार कांग्रेस नेतृत्वको ४ दलीय गठबन्धनले प्रदेश प्रमुख सीताकुमारी पौडेल समक्ष ३१ सांसदको हस्ताक्षर बुझाएपछि शनिबार सरकार गठन हुने भएको हो ।
प्रदेश प्रमुख सीताकुमारी पौडेलले सबै प्रक्रिया र विपक्षीले बुझाएको दाबी हेरेर कदम चाल्ने भन्दै शुक्रबार विपक्षी गठबन्धनलाई फर्काउनु भएको थियो । कांग्रेस नेतृत्वको गठबन्धन बहुमत दाबी गर्दै प्रदेश प्रमुख कहाँ गएका थिए ।
कांग्रेसका १५, माओवादीका ११, जनमोर्चाका २ (कृष्ण थापा बाहेक), जनता समाजवादीका २, स्वतन्त्र सांसद दीपक मनाङेको हस्ताक्षर सहित उपस्थित भएका थिए ।
बिहीबार मुख्यमन्त्री पृथ्वीसुब्बा गुरुङले विश्वासको मत लिन असफल भएपछि प्रदेशमा नयाँ सरकार गठनका लागि प्रदेश प्रमुखले आह्वान गर्नुभएको थियो ।
६० सदस्यीय गण्डकी प्रदेश सभाका २७ सांसदले उहालाई विश्वासको मत दिएका थिए । अविश्वासमा ३० र १ जना तटस्थ र १ सांसद दिपक मनाङे अनुपस्थित र जनमोर्चाका कृष्ण थापा तटस्थ बस्नु भएको थियो ।
गण्डकीमा कांग्रेस नेतृत्वको सरकार आजै बन्ने
