स्याङ्जा ४ माघ । स्याङ्जामा कोरोना संक्रमण बढ्दै गएपछि जिल्लामा सुरक्षा व्यवस्थापन कडाई गरिएको छ । मंगलबार डिसिएमसिको बैठकले जिल्लामा कोरोना संक्रमण न्युनिकरणका लागी थप सुरक्षा सर्तकता अपनाउनका लागी कडाई गरिको हो ।
विद्यालय, कलेज, ट्युसन, सेन्टरहरु, तालिमहरु तथा अन्य शैक्षिक क्रियाकलापहरु भौतिक रुपमा सञ्चालन नगर्ने, पटके हाटबजार, जिमखाना, व्युटि पार्लरलगायतका भीडभाड हुँने कार्य सञ्चालन नगर्ने, सबै प्रकारका जुलुस, भेला, सभा समारोह नगर्ने, धार्मिक मठमन्दिर, मस्जिद, गुम्बा, चर्चहरुमा नित्य पुजा मात्रै सञ्चालन गर्न पाईने भएको छ ।
जिल्लाका सेवा प्रदायक निकायहरुले माघ ७ गतेदेखि अनिवार्य खोप लगाएको प्रमाण देखाउने, शैक्षिक परिक्षाहरु जनस्वास्थ्यको मापदण्ड पालना गरी सञ्चालन गर्ने, सभा समारोह गर्दा भर्चुवल माध्यमबाट गर्ने, माघ ७ गतेपश्चात खोपको पुरा मात्रा लगाएका व्यक्तिहरु मात्रै सहभागि हुँने, धार्मिक तथा सांस्कृतिक कार्य गर्दा परिवारमा मात्र सिमित गर्ने, पार्टी प्यालेसमा एकपटकमा क्षमताको एक तिहाई मात्रै जनस्वास्थ्यको मापदण्ड पालना गरी उपस्थित हुँने, सार्वजानिक सवारीमा सिट क्षमता भन्दा बढी यात्रु नराख्ने, अनिवार्य मास्क लगाउने, सवारी साधनको ढोकामा सेनिटाईजरको व्यवस्था गर्ने भनिएको छ ।
प्रमुख जिल्ला अधिकारी राजुप्रसाद पौडेलद्धारा जारी आदेशमा सार्वजानिक सवारीमा मास्क नलगाई यात्रा गर्नेलाई ५ रुपैँया लिएर मास्क उपलब्ध गराउन भनिएको छ भने लामो यात्रा गर्नेै यात्रुले खोप कार्ड तथा कोभिड नेगेटिभको प्रमाण साथमा लिएर हिँडनुपर्ने भनिएको छ । होटल सञ्चालकहरुले अनिवार्य जनस्वास्थ्यका मापदण्ड पालना गर्ने, औषधी, अत्यावश्यक वस्तु खाद्यान्न तथा सेवाको आपुर्तिमा कृक्रिम अभाव सृजना गर्ने तथा मुल्य वृद्धि गर्नेलाई कडा कारबाही हुने जनाईएको ेछ । कोभिड संक्रमण देखिएमा ५ दिन क्वारेन्टिमा बसेर कोरोना परिक्षणको नेगेटिभ आएमा मात्र काममा फर्कन भनिएको छ । डिसिएमसिको आदेश उलंघन गर्ने जोकोहीलाई पनि कडा कारबाही हुँने प्रशासनले प्रमुख जिल्ला अधिकारी पौडेलले बताउनुभयो ।
यसैबीच आज मात्रै स्याङ्जामा ७९ जनामा कोरोना संक्रमण पुष्टी भएको छ । पछिल्लो केहि दिन यता जिल्लामा संक्रमितको संख्या बढिरहेको छ । संक्रमितको संख्या बढिरहँदा जिल्लामा कोभिड न्युनिकरणको लागी जिल्लाका ११ वटै पालिकामा आईसोलेसन सेन्टरको व्यवस्थापन तथा तयारी गर्न भनिएको प्रजिअ पौडेलले बताउनुभयो ।