‘कोभिडबाट मृतक परिवारलाई सहकारीको सहयोग’

स्याङ्जा, २७ असार ।
कोरोना भाइरस (कोभिड १९) का कारण निधन भएका आफ्ना सदस्यका परिवारलाई तुल्सीभञ्ज्याङ साना किसान कृषि सहकारी संस्थाले सहयोग गरेको छ ।
गल्याङ् नगरभित्रका कोरोना भाइरस कोभिड १९ को संक्रमणका कारण निधन भएकाका आश्रित परिवारलाई सहकारीले सहयोग गरेको हो ।
सहकारीका संस्थापक अध्यक्ष एवं गल्याङ् नगर प्रमुख भुपराज अधिकारीले मृतक परिवार सदस्यलाई सहयोग प्रदान गर्नुभएको हो ।
सहकारीका प्रबन्धक शम्भुनारायण अधिकारीका अनुसार नगरभित्रका १५ परिवारलाई जनही दश÷दश हजारका दरले सहयोग गरिएको हो ।