कास्की १९ मंसिर । नेपाली कांग्रेसको महाधिवेशन अन्तर्गत गण्डकी प्रदेशमा शुक्रराज शर्मा विजयी हुनुभयो । शर्माले ६ सय १२ मत पाउँदा संस्थापन पक्षका अर्जुन ५ सय २८ मत मात्रै प्राप्त गर्नुभयो ।
उपसभापतिमा दुइटै स्याङ्जाका उम्मेद्वार विजयी हुनुभएको छ । मेखलाल श्रेष्ठ र कल्पना तिवारी विजयी हुनुभयो । नेत्र महत र हरिप्रसाद श्रेष्ठ पराजित हुनुभएको छ ।
तिवारीको ६२४ मत आउँदा दोस्रो बन्नुभएका श्रेष्ठको ५५६ मत छ । तेस्रो स्थानका हरिको ५४८ तथा अन्तिम भएका नेताको ४५७ मत आएको छ ।
महामन्त्रीमा अन्तिम अवस्थामा विष्णु लामिछानेले जित्नुभयो । पहिलोमा किरणबावु श्रेष्ठले ५७३ मत र दोस्रोमा विष्णुको ५६७ मत आएको छ । तेस्रोमा कुमार खड्काको ५५६ र चौंथो हुनुभएका इश्वर पाण्डेको ४७३ मत आयो ।
सहमहामन्त्री महिला सह महामन्त्रीमा कोपीला रानाभाट ५५२ मत सहित विजयी हुँदा ओमकला गौतम ४८८ मत प्राप्त गर्दै पराजित हुनुभयो ।
खुला सहमहामन्त्रीमा रमेश कुमार सर्वाधिक भोट ल्याएर विजयी हुनुभयो । उहाँले ६१८ मत प्राप्त गर्नुभयो । ५६९ मत ल्याएर दोश्रो हुँदै रामचन्द्र जोशी पनि विजयी हुनुभयो ।