स्याङ्जा २६ बैशाख । चुनाव प्रचार प्रसारमा जाने क्रममा एमाले निकटका कार्यकर्ताले ढुंगा प्रहार गर्दा भीरकोट ८ मा काँग्रेसका उम्मेदवार घाईते भएका छन् ।
घाईते हुनेमा काँग्रेसको तर्फबाट वडा नं। ८ का अध्यक्षका उम्मेदवार नन्दलाल खनाल, दलित महिला सदस्य हुमकला नेपाली र घनबहादुर गुरुङ रहनुभएको छ ।
घाईतेमध्ये गुरुङलाई बढी चोट लागेको बताईएको छ । घाईतेहरुले वडा प्रहरी कार्यालय वालिङमा अभद्र ब्यवहारमा उजुरी दिएका छन् भने आरोपितहरुको खोजी कार्य भईरहेको छ ।
प्रत्यक्षदर्शीका अनुशार नेकपा एमालेका दल बहादुर गुरुङ र टिका गुरुङले आक्रमण गरेका हुन् । दल बहादुर नेपाली सेनामा कार्यरत रहेको र बिदामा घर आई एमालेको प्रचारप्रसारमा हिडेको भीरकोट नगरपालिकाका प्रमुख छायाराम खनालले जानकारी दिनुभयो ।
काँग्रेस कार्यकर्ता माथि भएको सांघातिक आक्रमणको भ्रत्सर्ना गर्दै भीरकोट काँग्रेसका सभापति याम प्रसाद अधिकारी लक्षमणले चुनावमा एमालेलाई जनताले नै पाठ सिकाई दिने बताउनु भयो । काँग्रेसको जित सुनिश्चित देखेर एमाले कार्यकर्ता आक्रमणमा नै उत्रिएको उहाको दावी छ ।
यसैबची तरुणदल भीरकोटले पनि घटनाको बिरोध गरेको छ । तरुणदल नगरसभापति राजकुमार गुरुङले प्रेस बिज्ञप्ती निकाल्दै घटनाको बिरोध गर्नु भएको हो ।
