स्याङ्जा २२ फागुन । नेपाली कांग्रेसका केन्द्रिय सदस्य गोपालमान श्रेष्ठले नेकपा एमालेको अवरोध कायमैरहे मुलुक अर्लि इलेक्सनमा पनि जान सक्ने संभावना औल्याउनु भएको छ ।
नेपाली कांग्रेस स्याङ्जाद्धारा आइतवार सदरमुकाममा आयोजित अगुवा प्रशिक्षण कार्यक्रमममा बोल्दै श्रेष्ठले सर्वोच्चमा रहेका मुद्धालाई लिएर एमालेले संसदमा नारा लगाउने, वेल घेराउ गर्ने जस्ता कार्यले संसद चल्ने वातावरण नमिलेको बताउनु भएको हो ।
पूर्वउपप्रधानमन्त्री समेत रहेका श्रेष्ठले भने, ‘संसदमा नारा लगाउदै वेल घेरेर एमालेले बन्दी बनायो। यसरी नै संसद अवरुद्ध बनाउदै जाने हो भने स्थानीय तहको निर्वाचन पहिले संसदीय निर्वाचनकोे संभावना रहन्छ।’ तर, सो भने न्यून रहेको उहाले बताउनुभयो ।
सरकारले स्थानीयतहको चुनाव बैशाख ३० गते गर्ने निर्णय गरेको छ। एमालेले बुद्धिमत्ता पूर्वक संसद चल्ने वातावरण बनाउनुपर्छ, नेता श्रेष्ठले भन्नुभयो, ‘सभामुख हटाउने पद्धती छुट्टै छ भने १४ जना संसदको निर्णय अदालतबाट हुनेछ।’
नेपाली कांग्रेसको महाधिवेशनका तिक्तता बिर्सेर जिल्लाका अगुवा कार्यकर्तालाई आसन्न स्थानीयतहको निर्वाचनमा जुट्न नेता श्रेष्ठले सुझाव दिनुभयो । चुनावमा टिकट बितरणको अधिकार जिल्ला र क्षेत्रलाई नै दिएको बताउदै उनले केन्द्रको हस्तक्षेप नरहने बताउनुभयो ।
श्रेष्ठले नजिकिदै आसन्न स्थानीय तहको निर्वाचनमा जुट्न सबै नेता तथा कार्यकर्तालाई सुझाव दिनुभएको छ । पार्टीका आन्तरिक महाधिवेशनको तिक्तता बिर्सेर निर्वाचनको अभियानमा जुट्न उहाकोे आग्रह थियो । नेपाली काङ्ग्रेस स्याङ्जा जिल्ला कार्यसमितीद्वारा आयोजित अगुवा कार्यकर्ता भेटघाट तथा अन्तक्रिया कार्यक्रमलाई शनिवार यहाँ सम्बोधन गर्दै उहाले कांग्रेसले हारेमा मुलुकले नै हार्ने बताउनुभयो । उहाले भन्नुभयोे, ‘मुलुकका बिद्यमान हरेक समस्याको निकासको लागी नेपाली काङ्ग्रेसले जित्नु पर्ने आवश्यकता छ ।’
चुनावमा टिकट बितरणमा केन्द्रले हस्तक्षेप नगर्ने बताउदै जिल्ला र क्षेत्रले असल र लोकप्रिय ब्यक्ति शिफारिस गर्न सुझाव दिनुभयो । वडादेखि नै आफना भन्दा राम्रा ब्यक्तिका नाम शिफारिस गर्नुपर्नेमा उहाको भनाई छन् । एमसीसी अमेरिकी अनुदान सहयोग रहेको र यो नेपालको आवश्यकता रहेको उहाले बताउनुभयो । केही दिनदेखि गृह जिल्लामा रहेका श्रेष्ठका अनुसार अमेरिकाले गरिबी निवारण गर्ने पक्षबाट सहयोग गरेको हो । नेपाल अमेरिकाबीचको द्धेैत्य सम्बन्ध ७५ बर्षदेखि छ । साना केही दल बाहेक ठूला दलहरुले स्वीकार गरेको अनुदान सहयोग अमेरिकी ५ सय मिलियन डलर छ भने नेपाली ६० अर्व छ । दुई तिहाईको सरकार हुदा पनि पास हुन नसकेको एमसीसी सम्झौता प्रधानमन्त्री शेरबहादुर देउवाको सक्रियता र बुद्धिमत्ताले एमसीसी पास भएको उहाको भनाई छ । उहाले भन्नुभयो, ‘सर्प पनि मरयो लट्टी पनि भाचिएन’ । एमसीसी पास भएसंगै निकास निस्केको छ । तर, केही साना राजनीतिक दलले भने बिरोध गरे पनि ठूला दलको भने समर्थन छ।’
सभापति राजु थापाले कांग्रेसका बिधि बिधान पालना गर्दै जिल्लाका नेता तथा कार्यकर्ताबीच समन्वय गर्दे अघि बढ्ने बताउनुभयो ।
कार्यक्रममा गण्डकी प्रदेश उपसभापति द्धय मेखलाल श्रेष्ठ र कल्पना तिवारी, जिल्ला उपसभापति केदार काफले र सचिव गुरुप्रसाद भट्टराइले निर्वाचनमा नेपाली कांग्रेसको बहुमत आउनेगरी आजदेखि नै क्रियाशिल रहने प्रतिवद्धता जनाउनुभयो ।
अन्र्तक्रिया एवं भेटघाट कार्यक्रममा जिल्लादेखि वडातहसम्मका नेता तथा कार्यकर्ताको उल्लेख्य सहभागि थिए। नेता श्रेष्ठ ४ दिनअघि गृह जिल्ला स्याङ्जा आएर विभिन्न कार्यक्रममा सहभागी हुनु भएको छ ।
