काठमाण्डौ २ साउन । वालिङ नगर उपप्रमुख कल्पना तिवारीलाई पितृशोक परेको छ । तिवारीका पिता भीमलाल तिवारीको शुक्रवार ७१ वर्षको उमेरमा वालिङमा निधन भएको हो । हृदयघातका कारण निधन भएको परिवारिक भनाई छ ।
स्वर्गीय तिवारीको पार्थिव शरिरमा नेपाली कांग्रेस पार्टी झण्डा ओढाएर अन्तिम श्रद्धान्जली दिइएको छ । श्रद्धान्जली सभामा नेपाली काँग्रेका कार्यबहाक सभापति बुद्धिबहादुर राना कुमार, गण्डकी प्रदेश सांसद भागवतप्रकाश मल्ल, वालिङ नगर प्रमुख दिलिपप्रताप खाँण, महासमिति सदस्य भोजराज अर्याल लगायते झण्डा ओढाएर अन्तिम विदाई गर्नुभएको थियो । तिवारीको निधनले असल र निष्ठावान अभिभावक गुमाउनु परेकोमा दुख ब्यक्त गर्दे शोकाकुल परिवारजनमा धैर्यधारणाको कामना गरिएको छ ।
तिवारीका दुई छोरी र तीन छोरा छन् । स्वर्गीय तिवारीको शवलाई शुक्रवार नै रामनदीधाम राम्दीमा हिन्दु धर्म र संस्कार अनुरुप अन्त्येष्टि गरिएको छ ।
यसैबीच, वालिङ नगर उपप्रमुख कल्पना तिवारीका पिता भीमलाल तिवारीको निधनप्रति वालिङ नगरपालिकाले दुःख ब्यक्त गरेको छ । नगर प्रमुख दिलीपप्रताप खाँणले शोक वक्तब्य जारी गर्दै तिवारीको निधनले एक असल अभिभावक गुमाएको उल्लेख गर्नुभएको छ । तिवारीको निधनप्रति दुःख ब्यक्त गर्दै दिवंगत आत्माको चिरशान्तिको कामनासहित शोक सन्तप्त परिवारजनप्रति धैर्य धारण गर्न सक्ने शक्ति ईश्वरले प्रदान गरुन् भनी समवेदना प्रकट गर्नुभएको छ ।