स्याङजा ८ साउन । बर्षाको मौसम जारी रहेसम्म बाढी पहिरा सहितको जोखिम रहने भएकाले बर्षात्को समय नसकिएकाले जिल्लाबासी सबैलाई उच्च सतर्कता अपनाउन आग्रह गरिएको छ ।
जिल्ला प्रशासन कार्यालयमा आयोजित बिपद ब्यवस्थापन समिति तथा सरोकारवालाबीच भएको छलफल कार्यक्रममा बोल्दै जिल्ला समन्वय समिति प्रमुख श्रीप्रसाद जीटीले सो कुरा बताउनुभएको हो । बाढी पहिराले जिल्लामा धेरै धनजनको क्षति पुगेको जनाउदै ११ वटै पालिकाले वास्तविक तथ्यांक उपलब्ध गराउन समेत आग्रह गर्नुभयो ।
पहाडी जिल्ला र नदी आसपास बसोवास रहेकाले समयमै ख्यालगरी आफनो जीउधनको सुरक्षा गर्नु पर्नेमा उहाँले जोड दिनुभयो ।
बिपद ब्यवस्थापन समितिका अध्यक्ष एवं प्रमुख जिल्ला अधिकारी सुनिता नेपालले विपत्तीका बेलामा आवश्यक अनुरुपको सहयोगमा जुट्नु पर्ने जनाउदै सबै पालिकामा विपद सहायता कक्ष स्थापनागरि बाढी पहिरा पिडितलाई सहयोग गर्नूपर्ने बताउनुभयो । उहाले केही पालिकाले मात्र सहायता कक्ष स्थापना गरेको भन्दै सबै पालिकालाई विपद सहायता कक्ष स्थापना गर्न र वास्तविका क्षति बिवरण प्रशासनलाई उपलब्ध गराउन आग्रह गर्नुभयो ।
यसैगरी, विस २०७७ सालमा मनसुन्य विपत्तीमा परेका परिवार तथा घर विवरणका लागि आवश्यक मापदण्ड पुरागरि विवरण उपलब्ध गराउन समेत आग्रह गर्नुभएको थियो ।
सही तथ्यांक उपलब्ध गराई वास्तविक पिडित तथा प्रभावित परिवार तथा ब्यक्तिले राहत लिन समेत प्रमुख जिल्ला अधिकारी नेपालको आग्रह छ । वैठकको सहजीकरण सहायक प्रमुख जिल्ला अधिकारी दिपक पौडेलले गर्नुभएको थियो ।
कार्यक्रममा जिल्ला स्थित नगरपालिका र गाउपालिकाका प्रमुख, अध्यक्ष, प्रमुख प्रशासकिय अधिकृत तथा कर्मचारीले पालिका स्तरीय क्षतिका बारेमा जानकारी गराउनुभएको थियो ।