स्याङ्जा, २५ असार । स्याङ्जामा जारी निषेधाज्ञा असार ३१ गतेसम्म थप गरिएको छ । जिल्ला सुरक्षा समितिको बैठकले निषेधाज्ञालाई असार ३१ गतेसम्म थप गर्ने निर्णय गरेको हो । जिल्लामा कोभिडका सक्रिय संक्रमितहरु घटेको र केन्द्रिय निति आर्थिक क्रियाकलापलाई क्रियाशिल बनाउन निषेधाज्ञा थप खुकुलो बनाउँदै थप गरिएको प्रमुख जिल्ला अधिकारी दिपकराज नेपालले बताउनुभयो । यसपटक भने कपडा पसल तथा फेन्सी पसल, खाद्य पसल, तरकारी तथा फलफुल पसल, कष्टमेटिक पसल, भाँडा पसल, मोबाईल पसलहरु भने स्वास्थ्य सुरक्षा मापदण्ड पालना गरी विहान ५ बजेबाट बेलुका ७ बजेसम्म खोल्न पाइने भएको छ । बैंक तथा वित्तिय संस्थाहरु सरकारी कार्यालयहरु समेत स्वास्थ्य मापदण्ड पालना गरी सेवा यथावतरुपमा सेवा प्रवाह हुनेछन । विकास निर्माणका कामहरु, स्वास्थ्य, सुरक्षा, विजुली, खानेपानीका कार्यालयहरु समेत खुल्ला हुनेछन् । औषधी पसल तथा स्वास्थ्य सामाग्रीका पसलहरु भने २४ सै घण्टा खुल्ला हुनेछन् । तर, भिडभाड हुँने, सेमिनार, गोष्ठी, सभा, समारोह, भेला,जुलुस, मेला महोत्सव, खेलकुदका कार्यक्रमहरु भने गर्न पाईने छैन् । अत्यावश्यक काम बाहेक घर बाहिर ननिसक्न प्रशासनको सुझाव छ । त्यस्तै धार्मिक स्थलहरुमा नित्य पूजा मात्रै गर्ने, विवाह, प्रतबन्द लगायत अन्य संस्कार जन्य कायमा स्वास्थ्य सुरक्षा मापदण्ड पालना अनिवार्य गर्न र विवाहको हकमा लागी दुबै पक्षका गरी २५ जना बढी सहभागि गराउन नपाईने प्रमुख जिल्ला अधिकारीद्धारा जारी आदेशमा उल्लेख छ ।
